NGIMPI
Cpt: Mujoko


Bawa:
Ngambara hing awang-awang
Hangelangut bebasan tanpa tepi
Nerabasing mega mendhung
Miber ngideri jagad
Ngulandara ngambara ngunggahi gunung
Katungkul ngumbar gagasan
Satemah ginawa ngimpi

Langggam:
Sripat sripit lembehane merak kesimpir
Gandhes luwes wiragane anglamlami
Sidhet singset besus sang adi busana
Dasar ayu maksih kenya tan kuciwa
Dak caketi aduh mesem sepet madu
Nora sranta ndak gandeng malah gumuyu
Katon bungah kenya kang pindha hapsari
Kuciwane kabeh mau amung ngimpi.